د چاپیریال ساتنې او اقلیمي بدلون سویدنۍ کمپاینره وايي نړۍ باید له کورونا درس واخلي او اقلیمي بدلون سره په همداسې جدي ډول چلند وکړي.
ګریتا تونبرګ بي بي سي ته وویل نړۍ باید د اړین ځواک له مخې عمل وکړي او نړیوال مشران د خبرو پر ځای د عمل میدان ته ور ودانګي.
د ګریتا په ګومان یوازې د زرغون پلان مسله د چاپیریال او اقلیمي بدلون په حل کې مرسته نه شي کولی، بلکه باید نړیوال مشران دا مسله جدي ونیسي او عملي ګامونه واخلي.
نوموړې له بي بی سي سره په مرکه کې وویل، د کورونا ویروس پر مال کورناستي دې ته موکه ورکړه چې ارام وکړي اود خلکو له نظره لرې وی.
هغې وویل هغه کال ورته خورا مهم و چې دا یې په نړیوال ستوري واړوله او د ملګرو ملتونو عمومي غونډې ته یې د اقلیمي بدلون په اړه وینا وکړه.
هغه هغه مهال ۱۶ کلنه وه او د دې تر څنګ چې زده کوونکې وه په بیړۍ کې د نړۍ لروبر وګرځېده او په سپتمبر کې یې په نیویارک کې وینا وکړه.
د اقلیمي بدلون دا مبارزه وايي د نړیوالو مشرانو پر ژمنو شکمنه ده او زیاتوي دوی راتلونکی نسل له پامه غورځوي او د ژغورنې لپاره یې عملي ګامونه نه اخلي.
هغې د ملګرو ملتونو په عمومي غونډه کې د خپلې وینا پر مهال د نړۍ مشرانو ته وویل، 'تاسې په خپلو تشو خبرو زما د ماشومتوب ارمان خاورې کړ. تاسې وشرمېږئ! '
ګریتا د وینا پر مهال چې په سترګو کې یې اوښکې راغلې وویل، خلک مري او تاسې یوازې د پيسو او اقتصادي ودې پرموضوعګانو فکر کوئ.
ګریتا تونبرګ وايي د مشرانو پر تله د خلکو پيوستون ورسره زیات و او په خپلو موبایل تلفونونو یې د هغې وینا لیدله او هڅوله یې.
ګریتا بی بی سی ته وویل، د واکمنو له نظره د اقلیمي بدلون هڅې د هغې د تمې خلاف ورو او پڅې دي.
د اغلې ګوتینګ په باور د چاپیریال د کړکړتیا د مخنیوي لپاره بنسټیزو بدلونونو ته اړتیا ده په ځانګړې توګه د پرمختللو هېودونو له خوا. خو باور نه کوي چې نړیوال مشران دې د دغو بدلونونو د راوستلو هوډ ولري.
اغلې تونبیرګ وايي د زرغون چاپيریال، د ککړتیا کمښت، ارګانیک، او نورو اصطلاحاتو نه ناوړه ګټه اخیستله کېږي او د خپلو موخو لپاره کاریږي.
د هغې په باور کله چې نړۍ د کورونا له وبا خلاصه شي باید له اقلیمي بدلون سره همداسې جدي مبارزه وکړي.
نړیوال مشران باید د ساینس پوهانو او اقلیمي بدلون کارپوهانو خبرو ته غوږ ونیسي او پر سپارښتنو یې عمل وکړي.
د نوموړې په باور که هیوادونه حتی د کاربن کمېدو ته ژمن پاتې شي بیا به هم نړیواله تودوخه درې څلور سانتي ګراد لوړه شي، خو هغه خوشبینه ده چې خلک یې اندېښنو ته پام کوي او د کمپاین ملاتړ یې کوي.
https://www.bbc.com/pashto/world-53123294